香港老師 lesson5 @大韓韓國語專門學校

之前頭三堂都係韓籍老師教
到到第三堂既時候
就有個課程同老師既問卷調查
問心個個黎都係想學好韓文
唔係好似以前比阿媽迫讀興趣班玩玩下
所以問卷調查  我真心填老師有很多不足

到到第四堂 因為韓籍老師請假
所以取消一堂


到到第五堂 有第二個老師黎教喎
學校交待綜合左大家意見
所以換左老師
我即刻對間學校另眼相看
原來佢都真係會保障老師既質素

我之前仲覺得間學校本身教日文
宜家又教韓文 都係副唔係正
開班又多 所以請D無咩經驗教既老師
宜家就放心晒
我開始有係度繼續讀既諗頭

都可以放心推介這間學校比朋友




老師係香港人
操流利廣東話 問問題同解釋都好好多
其實初班最好係香港人教
打好個底 明晒之後 先同韓國老師學會話會好好多


而且MISS真係好值得一讚
簡易明白 講解得她清晰
而且上堂又成日印NOTE比我地做listening
我覺得這part真係好重要

又安排同學和同學之間有亙動
用韓文對話既機會 老師就會係側邊聽下你講得岩唔岩
好過打開本書 一路講一路講
咁樣令大家同學仔都深刻d 入腦d

有時可能書無既資料
老師都印左出黎比我地
仲印埋功課比我地返屋企做
雙管齊下

因為之前個老師請假

所以原本2個半既堂變左3個半
真係好d累同肚餓



最後都係要自己返屋企都要好好溫書
語文先會有進步

韓文速成課程lesson1 @大韓韓國語言專門學校

8月7日上完第1堂
時間係7pm-9:30pm

一行到入去課室
已經見倒個韓國女子樣貌的韓籍老師
老師叫이시수
主要說英文同普通話溝通





第1堂好簡單都係教發音
同埋跟住書教我地生字
但有點失望
因為老師英文同普通話都唔係太好
好多時
我地問問題 佢都解除唔倒
佢既英文唔可以流暢地解釋
況且有時佢根本唔知點解釋


都係個句韓國人好多都識講唔識教
好多時講you know就跳過左
好明顯老師教既經驗唔多
唔知點應對學生既問題


好容易verb同noun既分別都講唔出
剩係話寫係咁寫 講係咁講
嗯 我諗如果唔係我學過 應該唔知係講咩


不過老師都幾nice幾funny
但教得好我就唔認同
我同隔壁位同學成日都問 : 你知唔知佢講緊咩
講野有時子彈咁快
問多2問又話唔洗學到咁深

講真
有dd 後悔報左lee間

一小段上堂情況

這2本係學校買的!! $300蚊
左邊本書唔錯幾好...實好..講得好detail...
自己都打算去韓國個時會買埋另外的grammer book

右邊個本就似幼稚園copy book



下面係我自己買黎溫書既

有晒topik既part paper...
教既野都幾難...grammer,做句最主要...

這本oppa都讚
生字都幾實用...得閒就拎出黎記幾個....

 

韓文班報名@大韓韓國語言學校

上去之前
其實research左好內
本身都有諗過報宋之玲個間
不過銅鑼灣對我黎講有d遠

而且我留係香港時間唔多
只有3個月
所以想報d 一星期2堂既課程

而且打電話去好多間
大部份都係韓籍老師教
咁樣可以幫助oral
但係對於我黎講
我已經有個韓國男朋友做我私人老師
晚晚skype都嘗試講韓文

反而對我黎講有香港人教最好
起碼知道問題係邊  有問題有以直接問 清清楚楚 唔洗用英文
由一個外國人到學好韓文
夠竟係點 有咩需要特別注意

而這間佢地又有韓籍老師..又有香港人去過韓國留學既老師...
所有最後都係報這間

地點十分易搵...只係係朗豪坊後面..

除左韓文..其實仲有日文學....

我報既係校長推介...
最底個個 $1800+ 報名費$30 + 書簿費$300 = total$ 2130

笑左囉咩事...

.

 

今次唔同以前學語文
唔可以又玩票性質

我的韓文如何! 我的韓國生活也必如何!!!
只有一年時間給我!!!

準備應考韓文試的開始

今次返香港幾個月,
OPPA比左個重要任務比我,
就係要好好學好韓文......

雖然我同OPPA係澳洲已經相處左一年...
但係我好懶..拎左去既韓文書都冇成日睇....
最基本既發音其實都識..但唔太標準...
學埋學埋好多單字...但係好難做成一條完整句子....
最重要我唔識講敬語...
如果第時住韓國..朋輩分得好清楚..
想有個好姐姐好哥哥照顧一下...
就要好好地學了...

所以呢我要分秒必爭..
返黎第二日已經去書局買好了教材...
一本係2011年8月出既 TOPIK初級...
入面有埋PART PAPER同ANSWER..我覺得唔錯 HK$133

另一本都係D普通會話..
不過好就好在夠細本囉...
有時等車等人冇野做..就可以係手袋度拎出睇下啊嗎 HK$25

最近仲諗緊報邊間韓文學校好...
最主要想學正個發音..同埋多D機會可以有會話既機會...

哈哈!!!
等我唔聲唔聲學好左之後..比OPPA一個驚喜 =)