泰國大皇宮去唔成之被騙經歷

坐tuk tuk去到大皇宮
因為我地今次去旅行無咩搵資料
而其實我又對大皇宮冇興趣
不過第一次黎泰國既重薰oppa就好想去
所以完全冇reserch下就去左

其實我自己第4次黎泰國
都知道唔可以亂信人
最唔好好同陌生人講野
但係最後都比人扼左

事源:
我地準備去大皇宮既時候
突然有個又有工作人員証又拎晒地圖既人走埋黎
同我地講 今日大皇宮有特別儀式
會暫時關閉2小時 只係比泰國人入
4點會重開

我地竟然冇懷疑 仲信左
之後佢又介紹d咩咩咩咩咩
我都冇理 想拉oppa走
不過個個人又話有private boat可以遊river
opaa又有興趣
就係咁我地上左當lu

去到碼頭
好多人都比人扼左黎
佢竟然開我地價 1000baht 一個人
我地即走啦緊係
佢就跟住我地 話比我地平d
最後1000baht 兩個人
oppa 覺得都幾平 就上左船啦
唉  其實我十分真係唔願意
因為我覺得個條垃圾河 真係冇咩好睇
而且我對廟完住冇興趣

不過算啦 1000baht 又唔係好多錢
成程我都迫自己笑
又熱又悶 我真係想返酒店游水好過

極度唔滿意落船仲要比錢

因為泰國真係好熱
同埋唔知點解今次去泰國覺得咩都唔岩食
oppa又滿意我成日唔肚餓
得佢自己一個食
又熱又多人又比人坤
我完全地燥底

最後
我地行到返去大皇宮
個條友講4點再開
點知已經關門
唔比入去
仲有人一直怒啤我著短褲
叫我一定要買裙
都唔比入啦
仲係咁叫我買
我扯晒火真係

比人扼錢都唔係問題
當個1000baht真係睇風景囉
但係浪費左我地一日時間真係好嬲
oppa仲話以後都唔黎泰國
因為我之前一直同佢講泰國係一個好nice既地方


去咁多次泰國
今次就最失望 又或且我地旅行左兩個星期
已經好累
去完新加坡, 馬來西亞, 越南
泰國已經無咩特別好玩

不過短期內都唔會再去
冇左個種好想去泰國
覺得好好玩既感覺已經
冇晒新鮮感


p.s.
如果去大皇宮
千萬唔好同陌生人講野
有工作人員証都好
唔好即刻信
問多幾個人 再觀察下其他旅客先

佢地有陣時一黨人黎扼你都可以
通常tuk tuk司機都係同黨
要決絕say no


其次唔洗幫d人買裙
佢地一大堆人會同你講著短褲背心唔比入
唔洗理佢地
佢地只係一堆小販 想你買野
入到去入面 其實可以租
之後可以拎返錢


因為泰國咁樣既人太多
即使看門口既工作人員都唔會理佢地
所以唔好以為佢地係岩
係錯晒

聽講佢地扼人籍口有好多
有d 係坐tuk tuk去埋d 參觀珠寶, 做西裝又有
總之咩人都唔好信